EPAIMAHAIA 2018-12-14T12:13:51+00:00

GETXOEXPRESS-EN 2018 EPAIMAHAIA

Koldo Serra

Arte Ederretan lizentziatua (ikus-entzunezkoa espezialitatearekin) Euskal Herriko Unibertsitatean, Koldo Serrak hainbat sari jaso dituzten “Amor de madre” (Gorka Vázquezekin batera idatzia eta zuzendua) eta “El Tren de la Bruja” film laburrak zuzendu ditu.

Koldok zenbait film luze ere zuzendu ditu: “THE BACKWOODS”, Gary Oldman, Virginie Ledoyen eta Aitana Sánchez Gijón protagonista gisa izanik, “GERNIKA”, James D’ArcyJack Davenport  eta María Valverderekin, eta azken aldian egindako eta oraindik estreinatu ez den “70 BINLADENS” filma, Emma Suárez, Nathalie Poza eta Hugo Silva protagonista gisa dituena.

Telebista arloan, Koldok telesaio desberdinentzako atalak zuzendu ditu, besteak beste, hurrengo telesaioetan: “Gominolas” (Cuatro), “El Comisario” (Telecinco), “Muchachada Nui”, “Karabudjan” (Antena 3) “La Fuga” (Telecinco) edo El Ministerio del Tiempo (TVE).

Publizitateaz gain, Koldo Serrak Antonio Orozco, El Sueño de Morfeo, Deluxe, Estopa edo Extremoduro artisten bideoklipak ere zuzendu ditu.

Itxaso Espinal

Ikus-Entzunezko Komunikazioan lizentziatu zen 2009an UPV/EHU-an eta bere lehenengo lana dokumentaletan espezializatzen den Sociallprod S.L produkzio-etxean izan zen, non ikasketetako praktikak egin zituen. Bertan “La Causa de Kripan”, “Trabajadoras invisibles” eta “Silencio TV” dokumentalen ekoizpenean parte hartu zuen.

2010ean, Madrileko Escuela Trazos institutuan zine digitalaren zuzendaritzaren inguruko master bat egin zuen. Urte horren amaieran, Donostia Films enpresan lan egiten hasi zen.

2012an, bere lehenengo film laburraren (“Cabás”) ekoizpenaren arduraduna izan zen. Film labur hau 2012 eta 2013an zehar zenbait festibal nazionaletan saritua izan zen.

2012. urtearen amaieran, Doxa Producciones-en ekoizpenaren arduradun gisa aritu zen. Egindako film laburren artean “Asier ETA biok” daukagu, Irizar saria irabazi zuena bere estreinuan Donostiako Zinemaldian.

Ondoren, zinema bi urtez alde batera utzi zuen Donostiako Centro de Nuevas Tecnologías-en komunikazio-arduraduna izateko.

2015ean, berriz ere ikus-entzunezko mundura bueltatu zen Pixel produkzio-etxearen eskutik eta telebista-ekoizpenean espezializatu zen (ETB 1 eta ETB 2), baita kirol- eta kultura-ekitaldien zuzenezko zein aurrez grabatutako emankizunetan ere.

2017an, berriz ere ekitaldien kudeaketara eta formaziora itzuli zen eta Bilboko Udalerriarentzat lan egin zuen Lan Ekintzan “Auzofactorys” enpresa-zentroen koordinatzaile gisa.

Urte horretan, udan, Gariza Films taldean lan egiten hasi zen, ekoizpen-zuzendari gisa. Hortik geroztik, hurrengo proiektuen produkzio taldeetan parte hartzen ari da: “Vitoria, 3 de marzo” filma, Lara Izagirre zuzendariaren “Ane & Peio, maitasun istorio bat piper artean” filma; “Sons of Eden” serie-dokumentalean eta umeentzako “Wifire Camp” filma.

Ane Pikaza

Aktorea. Arte Ederretan lizentziatu zen (UPV-EHU) eta Arte Dramatikoan diplomatu zen Bilboko Musika eta Arte Eszeniko eta Bisualen Eskolan (ARTEBI). Bere ikasketak biribildu zituen Antzerki eta Arte Eszenikoen espezialitatea eta Gaitasun Pedagogiko kurtsoarekin (UPV-EHU). Bere formakuntza bitartean, arte eszeniko eta plastikoetan duen formazioa ziurtatzen duten zenbait beka eta laguntzak jaso ditu. Gaur egun, ilustrazioa, antzerkia eta produkzio eta komunikazioa bateratzen ditu antzerki proiektu desberdinetan.

Aktore gisa egindako lanen artean hurrengoak dira aipagarri: Decir lluvia y que llueva (Kabia teatroa), Palabras (Hika teatroa), La noche Árabe (Hika, Kabia eta Pabellon 6-en elkarlana), Duermevela (Kabia Teatroaren produkzioa Bilboko Arriaga Antzokirako), Lyceum Club (Bilbao Fundación 700-ren produkzioa eta Maria Goricelayak idatzia eta zuzendua), Strip-tease (Jokin Oregiren Loraldia Festibalerako), Mami Lebrun Donostia saria 2017 (Xake produkzioak), Tres Mujeres (Bilboko Arriaga Antzokiaren produkzioa eta Mireia Gabilondok zuzenduta). Formatu handiko obraz gain, formatu txikiko obretan ere aritu da: Una Penélope cualquiera (Kabia teatroa), Tres tristes tigras (Patxo Telleríaren testua eta zuzendaritza), Amor Breve en un acto vandálico (Anodino teatroa) eta Ponme tu historia aquí (La dramática Errante).

Antzerkian izandako esperientzia profesionala beti ikus-entzunezkoarekin lotuta egon da. Honela, telesaio desberdinetan lan egin du, besteak beste, Goenkalen, non bi denboraldi egon zen. Era berean, beste telesaiotan egon da, publizitatean lan egin du eta filmetan ere, bere azkenengo lanetariko bat “3 de Marzo la película” izanik. Halaber, ‘Kabia’ barruan egindako lana nabarmendu behar da. Kabia antzerki-ikerketarako laborategia da eta 2009tik horren parte da eta bertan komunikazio eta diseinu lanak ere egiten ditu.

Aktore gisa egindako lanekin batera, ilustrazioaren mundua ere lan egin du, besteak beste, konpainia desberdinentzat antzerki-karteleria eginez, bideo-jokoaren artea “Los ríos de Alice”-n edo Kabia Teatroaren azken lanaren (“Alicia despúes de Alicia”) bisualak.