Aste batzuetako etenaldiaren ondoren… bueltan gaude blogean! Seguru aski jadanik jakin izan duzue gure sare sozialen bitartez GetxoExpress festibalaren hirugarren edizio honetan sari berri bat banatuko dugula, GaztExpress saria, 18 urtetik beherakoei zuzenduta dagoena. Partehartzaileek irailaren 3tik urriaren 24ra arte izango dute euren bideoak bidaltzeko, hauek minutu bat eta 15 segundo baino gutxiagoko iraupenarekin, irailaren 3an bertan aditzera emango dugun gaiari buruz izan behar direnak (sare sozialetan ere esango dugu). Talde irabazleak 150 eurotan baloratutako saria irabaziko du.
Era berean, epaimahairen inguruko berriak ditugu… pixkanaka-pixkanaka jakinaraziko dizuegu nortzuk izango diren aurten zuen film laburrak baloratuko dituztenak eta irabazlea hautatuko dutenak. Badakizue, zuen lanak nork baloratuko dituen jakitea garrantzitsua da.
Beno, gauza da gu oporretatik gatozela eta inspiratuak etorri gara. Sarrera honetan trikimailu txiki batzuk azalduko ditugu, zuen film laburretan erabilgarriak izan daitezkeen efektu bereziak. Batez ere truko horiek azaltzen dituzten webguneen edo bideoen zerrenda da, zuek horiek denak eskura izateko.
A-tik B-ra… hegan eginez:
https://www.youtube.com/watch?v=dq-3JfRrgRM
Goizez euria ari duela baina arratsaldez ez? Hona hemen etxean euri-makina bat egiteko tutoriala:
https://www.instructables.com/id/How-to-Make-a-Rain-Machine/
Makillajea (erredurak, hatzamar moztuak, etab.):
https://ourpastimes.com/homemade-special-effects-makeup-12335705.html#page=1
Webgune honetan (https://www.instructables.com/) hamaika eskulan aurkituko dituzue, aipatutako euri-makinatik mozorro zailetaraino.
Gogora ezazue zalantzaren bat izatekotan beti gurekin harremanetan jarri ahal zaitezkeela hemen: info@getxoexpress.com.