NORA filmak irailaren 18an inauguratuko du ZINEMIRAren gala, Donostiako Zinemaldiaren 68. edizioan.
Dakizuenez, GetxoExpress-en orokorrean zinemaren eta bereziki euskal zinemaren alde egiten dugu beti. Horregatik, oso pozik gaude berri on bat daukadulako: Nora (Gariza Films) ZINEMIRA gala irekiko du Donostiako Zinemaldian. Oraingoan ilusio berezia egiten digu, proiektu horretan zuzenean lan egin dugulako eta hurbiletik bizi izan dugulako, lehen urratsetatik gaur egun arte. Ana eta Itxaso (KATZ Estudio) NORA filmaren ekoizpen taldearen parte izan dira eta Janirek filmaren azpitituluetarako itzulpena egin du. Beraz, oso pozik gaude! Horrez gain, Itxaso Espinal (ekoizpen-zuzendaria) eta Ane Pikaza (protagonista) GetxoExpress-eko epemahaikideak izan dira biak, aurreko edizioetan. Hori dela eta, NORA filmaren eta GetxoExpress-en arteko lotura oso berezia da.
Emakume gazte baten istorioa kontatzen du Norak. Aitona hil ondoren, Euskal Herriko kostaldean zehar bidaiatzea erabaki du, bere errautsak amonaren errautsen ondora eramateko. Eta ez dizuegu gehiago kontatu nahi, benetan ikusi behar duzuelako, gustatuko zaizue!