GTX EPAIMAHAIA

ANA HORMAETXEA

Ana Hormaetxeari istorioak idaztea eta kontatzea gustatzen zaio. 20 urte inguru daramatza zenbait plataformarako edukia sortzen. Gidoilari gisa hainbat produktoretan lan egin du (Pausoka, Baleuko, K2000, Gestmusic, 3Koma, Salta edo Keinu, besteak beste), eta gehinetan umorezko telesailetan eta programatan egin du lan, hala nola «Go!azen», «Vuelta de Tuerca», «Esto no es serio», «Balbemendi», «Yo un hombre de semanida», etab. Publizitatearen arloan, publizitate-agentzia eta lineako marketin-agentzia desberdinetan egin du lan, hala nola Triangulo Publicidad, Koncepto, Indargenia eta Fantory. 2016 eta 2020 artean FAGAko (Ikus-entzunezko gidoilarien Elkarteen Foroa) presidentea izan zen eta gaur egun Euskal Gidoigileak elkarteko presidentea da.

IÑIGO ARANBURU

Bartzelonan trebatutako aktore donostiarra. Egindako lanen artean, azpimarratzekoak dira HANDIA (Jon Garaño eta Aitor Arregi), HIL KANPAIAK (Imanol Rayo), LOS EUROPEOS (Victor García León) eta DIECISIETE (Daniel Sánchez Arévalo).

AKTORE ONENAREN saria jaso zuen Villarealeko CINE CULPABLE jaialdian, MATEOREN AMA (Aitor Arregi eta Jose Mari Goenaga) film laburrean protagonista izateagatik.

KIMUAK 2021en katalogoan sartzeko hautatutako RESONANCIAS (Oihartzunak) film laburra zuzendu du.

PAULA OLAZ

Paula Olazek zinema, telebista, antzerki eta bideojokoetarako banda sonorak egin ditu. Berklee College of Music-en egin zituen ikasketak eta cum laude aipamena jaso zuen graduondokoan. Aldi berean neuropsikologia klinikoko ikasketak egiten ditu, non pisokologia kognitiboan espezializatzen den cum laude aipamenarekin. Bere ikasketak Espainian, Estatu Batuetan, Alemanian eta Suizan egiten ditu Javier Asín, Bingen Mendizabal, Cornelius Schwehr, Lucio Godoy eta Wolfgang Rihm konpositore famatuaren tutelapean. Aurrerago Pascal Gaignerekin hasten da kolaboratzen gaur arte. Pelikuletan egiten du lan (Handia, Pascal Gaigne-ri banda sonora onenari Goya), bideojokoetan, laburmetraietan, dokumentaletan, antzerkian, eta baita dantzan ere. Obra koralak konposatzen maite du eta hauek Estatu Batuen errepertorio korala osatzen dute.


Astronomiazalea eta unibertsoko soinu munduan ikerlari, 2017 urtean Londreseko Air Studio famatuan Europako Espazio Agentziarentzat (ESA) Hubble teleskopioak grabatutako benetako irudietan oinarritutako obra zuzendu eta grabatu zuen. Hortik aurrera “data sonification” eremuan egiten du ikerketa CERN eta HEAD-ekin (Geneva, Suitza) kolaboratuz europako fisiko eta astronomoekin batera. Gainera, Larrotxenen (Donostia) ematen ditu teknologia musikala eta banda sonorei buruzko klaseak eta EITBn egiten du lan musika eta zientzian aditua bezala.

Scroll to Top